Хитойнинг Гуандун вилоятидаги Дунгуан темир йўл станциясида аёл йўловчи хавфсизлик хизмати ходимларига ўз юкини ишонмай, у билан бирга юкларни текширувчи ренгтген қурилмаси ичига кириб кетган. Аёл унинг буюмлари қурилма ичидан ўтаётганда йўқолиб қолиши мумкинлигидан хавотирланган.
Аёл ўз организмини рентген нурланишга дучор қилмаслик ҳақидаги тавсияларга қарамасдан, ўзиникида туриб олиб, юки билан бирга рентген қурилма ичидан ўтишга муваффақ бўлган.
![](http://storage.kun.uz/source/TRINUNA/INSTAGRAM/djhvvbsdv45178-1.jpg)
![](http://storage.kun.uz/source/TRINUNA/INSTAGRAM/djhvvbsdv45178-2.jpg)
Видеода аёлнинг рентген қурилмаси ичига киришига тараддудланаётгани, шарпаси қурилма мониторида кўрингани ва қурилмадан чиқиб келаётганини кўриш мумкин. Тахмин қилинишича, аёлнинг сумкасида йирик миқдорда пул бўлган.