Онасидан қочишга уринган икки яшар бола метро рельсларига тушиб кетди (видео)

Италиянинг Милан шаҳридаги метро бекатларидан бирида ҳавотирли воқеа юз берди. Онасидан қочишга уринган Муҳаммад исмли икки яшар бола метро рельсларига тушиб кетди. Бу ҳодиса видеокузатув камераларига муҳирланган. Бу ҳақда Mirror хабар бермоқда.  

Воқеага гувоҳ бўлиб турган 18 ёшли талаба вагонлар йўлагига тушиб, болани қутқарган. Шу билан бирга унинг ўйинчоғини ҳам рельслар орасидан олган ва шундан сўнгина платформага чиқиб олган.

Муҳаммадни шифохонага олиб боришган, маълумотларга кўра, болада ҳеч қандай жароҳат излари аниқланмаган.