Фото: Getty Images
Франциялик яримҳимоячи Самир Насри антидопинг қоидаларини бузгани учун, УЕФА интизом қўмитаси томонидан бир йилга дисквалификация қилинди, деб хабар бермоқда Marca.
Футболчи 2016 йилда, Лос-Анжелесдаги DripDoctors клиникасида витаминлар терапияси асосида даволанган. Бу эса допинг изларини яширишга ёрдам беради.
Энди эркин агент мақомига эга бўлган 30 ёшли футболчи «Лас-Пальмас» клуби билан шартнома имзолаш ҳуқуқидан ҳам маҳрум бўлди.
Эслатиб ўтамиз, Самир Насри фаолияти давомида «Марсель», «Арсенал», «Манчестер Сити», «Севилья» ва «Антальяспор» клубларида ўйнаган.
