КХДР Олимпиада вақтида ўз ядро дастурида муваффақиятга эришган

Шимолий Корея Пёнгчангдаги олимпиада ўтказилаётган пайтда қитъалараро баллистик ракеталар дастурида муваффақиятга эришди. Бу ҳақда CNN ўз манбасига асосан хабар бермоқда.

АҚШ ҳукуматининг ўз номини ошкор этмаган аъзоси сўзларига кўра, КХДР мусобақалар ўтказилаётган вақтда ракеталарни бошқариш имкониятини такомиллаштириб олди. Бу объектларни янада аниқроқ нишонга олиш имконини беради. Бошқа томондан, Шимолий Корея жанговар каллаклар билан боғлиқ қатор техник қийинчиликларга дуч келмоқда.

Бундан ташқари, мамлакатда ракета двигателлари ва учириш қурилмаларини яхшилаш устида иш олиб борилмоқда. Манбанинг таъкидлашича, АҚШ КХДРнинг бундай ҳаракатларига санкциялар ва дипломатик босим билан жавоб беряпти.