ЙҲХ қоидаси бузилиши икки киши ўлими ва бир фуқаронинг жароҳат олишига сабаб бўлди

Қорақалпоғистон Республикасининг Қонликўл туманида 6 март куни соат 03.00ларда Самарқанд тумани Даштакиболо қишлоғида яшовчи, “Акмал” МЧЖ ҳайдовчиси, 1985 йилда туғилган Ш.И. ўзининг бошқарувидаги “Volvo” юк автомашинасини “Ғузор-Бухоро-Нукус-Бейнеу” йўлининг 847-километрида ҳайдаб кетаётиб, йўлни кесиб ўтаётган уч нафар пиёдани уриб юборган.

Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Натижада О.К. жароҳат олиб воқеа жойида ва П.Ж. касалхонага келтирилганида вафот этганлар, Б.Х. касалхонага ётқизилган. Мазкур ҳолат юзасидан тергов ҳаракатлари олиб борилмоқда.