Сергелида пичоқбозлик. Меҳмон мезбонга пичоқ уриб, воқеа жойидан яширинди

Тошкент шаҳрининг Сергели туманида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 12 март куни соат 23.55ларда Спутник 1-даҳа 23-уйда яшовчи, 1977 йилда туғилган С.Р. таниши, Спутник 4-даҳасида яшовчи, 1974 йилда туғилган Р.А.нинг уйида бирга спиртли ичимлик истеъмол қилиб ўрталарида келиб чиққан ўзаро жанжал оқибатида С.Р. Р.А.нинг кўкрак ва қорин қисмига пичоқ билан уриб жароҳат етказиб, воқеа жойидан яширинган.

Натижада Р.А. касалхонага ётқизилган. С.Р.ни ушлаш чоралари кўрилган.