Ироқлик 18 ёшли йигит Лондон метросида теракт содир этганликда айбдор деб топилди

Фото: Global Look Press

Буюк Британия марказий жиноий суди ироқлик Аҳмад Ҳасанни ўтган йилнинг кузида Лондон метросидаги поездда теракт содир этиш давомида қотилликка уринишда айбдор деб топди. Бу ҳақда Би-би-си хабар бермоқда.

2017 йилнинг 15 сентябрь куни Лондон метрополитенининг Parsons Green ер усти станциясидаги одамлар гавжум бўлган поездда юз берган портлаш оқибатида 30 киши жабрланди. Қўлбола портловчи қурилмада металл бўлаклар, бурама михлар ва кичик тиғлар ҳам бўлган.

Январь ойида 18 ёшли Ҳасан жиноий судда ушбу жиноятни содир этганлик бўйича ўз айбини тан олмади.