Халқаро Олимпия қўмитаси президенти Томас Бах ва Шимолий Корея жисмоний тарбия ва спорт вазири Ил Гук Ким 30 мартда ХОҚ делегациясининг Пхеньянга ташрифи вақтида учрашув ўтказдилар. Бу ҳақда “Рёнхап” ахборот агентлиги хабар бермоқда.
“Жисмоний тарбия ва спорт вазири, Шимолий Корея Миллий олимпия қўмитаси раҳбари Ил Гук Ким Томас Бах бошчилигидаги ХОК делегацияси билан учрашиб, Мансудэ мажлислар залида суҳбатлашди”, деб айтилган хабарда.
Шунингдек, Бах 1989 йилда қурилган, кўп вазифали “Биринчи май стадиони” ва Пхеньяндаги бошқа спорт объектларига ташриф буюрган.
Аввалроқ Бах Шимолий Корея терма жамоасини 2020 йилги Олимпиадада иштирок этишини илгари суришда кўмак бермоқчилигини айтган. 2018 йилги Пёнгчангдаги Олимпиадада ХОҚ шимолий кореялик спортчиларга Олимпиадада иштирок эта олишлари учун қўшимча квоталар берган.
