БМТ хавфсизлик кенгашининг КХДР бўйича қўмитаси 21 та компанияга қарши санкция киритди
БМТ хавфсизлик кенгашининг Шимолий Корея бўйича қўмитаси АҚШ таклифи билан 21 та транспорт компанияси, 27 та кема ва бир жисмоний шахсга нисбатан санкциялар киритди. Бу ҳақда АҚШнинг БМТдаги доимий ваколатхонасида маълум қилинди.
30 мартда тарқатилган ёзма баёнотда АҚШнинг БМТдаги доимий вакили Никки Хейлининг маълум қилишича, “Шимолий Корея билан ишловчи компания ва шахсларга нисбатан киритилган ушбу санкциялар Хавфсизлик кенгашининг санкциялари қабул қилингандан бери энг катта кўламлиси бўлди” ва Шимолий Кореянинг нефть олиш ва кўмир сотиш мақсадида денгиз орқали контрабанда ташувлар билан шуғулланишга уринишларига қарши қаратилган.
Февраль охирида АҚШ молия вазирлиги Шимолий Кореянинг ядровий ва баллистик дастурига қарши кураш доирасида 27 та кемачилик ва транспорт компанияси, 28 та кема ва бир нафар жисмоний шахсга нисбатан санкциялар киритган.
Мавзуга оид
17:12 / 08.10.2024
Шимолий Корея Россияни қўллаш учун Украинага ҳарбийларини юбориши мумкин
23:13 / 27.09.2024
Шимолий кореялик ҳакерлар Германиядаги қуролсозлик компаниясига ҳужум уюштирди
21:29 / 21.09.2024
TikTok АҚШ санкциялари туфайли Sputnik ва RT аккаунтларини ўчириб ташлади
23:16 / 19.09.2024