Пиёдани уриб, воқеа жойидан қочиб кетган ҳайдовчи ушланди

Самарқанд шаҳрида 2018 йил 31 март куни номаълум ҳайдовчи автомашинани Тинчлик маҳалласи Гагарин кўчасида ҳайдаб кетаётиб, пиёда 1963 йилда туғилган Б.А.ни уриб юбориб, воқеа жойидан кетиб қолган. Натижада Б.А. жароҳат олиб касалхонага ётқизилган.

Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.

Кўрилган чоралар натижасида ушбу йўл-транспорт ҳодисасини Самарқанд шаҳри Жар-ариқ кўчасида яшовчи, МЧЖлардан бирининг ҳайдовчиси, 1975 йилда туғилган Б.М. ўзига бириктирилган “Нексия” русумли автомашинасида содир этганлиги аниқланиб ушланган.