Ким Чен Ин Корея яримороли бўйича музокараларни қайта бошлашга тайёрлигини маълум қилди
Шимолий Корея етакчиси Ким Чен Ин Пекинга ташрифи вақтида Хитой раиси Си Цзиньпин билан музокаралар давомида Корея яриморолини ядровий қуролсизлантириш бўйича олти томонлама музокараларни қайта бошлашга тайёрлигини билдирган. Бу ҳақда Япониянинг “Никкэй” нашри маълум қилди.
Нашр маълумотларига кўра, бу мавзу Ким Чен Иннинг Дональд Трамп билан учрашуви вақтида ҳам кўтарилиши мумкин. Шимолий Корея етакчиси Хитойга 25-28 март кунлари ташриф буюрганди. Хитойга сафар Ким Чен Ин учун у мамлакатни бошқаришни бошлаган 2011 йилдан бери илк хорижий сафар бўлди.
Корея яриморолини ядровий қуролсизлантириш бўйича Шимолий Корея, Жанубий Корея, Япония, Хитой, Россия ва АҚШ иштирокидаги олти томонлама музокаралар Пхеньян ташаббуси билан 2008 йилда тўхтатилган.
Мавзуга оид
17:12 / 08.10.2024
Шимолий Корея Россияни қўллаш учун Украинага ҳарбийларини юбориши мумкин
23:13 / 27.09.2024
Шимолий кореялик ҳакерлар Германиядаги қуролсозлик компаниясига ҳужум уюштирди
11:20 / 19.09.2024
Шимолий Корея яна ракета синовларини ўтказди
09:48 / 12.09.2024