Венесуэлада мушукка азоб берган футболчилар жазоланди

Венесуэланинг «Сулия» клуби яримҳимоячи Давид Баррето ва ҳимоячи Эдуин Керо билан имзоланган шартномаларни бекор қилди.

AFP хабарига кўра, футболчилар мушукка азоб беришган. 

Аввалроқ, Керо Instagram саҳифасида мушукни хўрлаётган Баррето фотосуратларини жойлаштирган эди. Унда футболчи жониворнинг оёқ-қўлларини чўзиб, бир неча қават баландликдан асфальтга ташлаб юборгани тасвирланган эди.