Макгрегор гаров пули эвазига озод қилинди
Аралаш яккакураш жангчиси Конор Макгрегор UFC жангчилари кетаётган автобусга ҳужум қилгани учун 6 апрелда Нью-Йорк суди олдида жавоб берди. Унга кўра, ирландиялик жангчини суд тафтишигача 50 минг доллар гаров пули эвазига озодликка чиқаришга қарор қилинган. Бу ҳақда TMZ портали хабар бермоқда.
Маълум қилинишича, Макгрегор UFC президенти Дэйна Уайт билан суҳбатдан кейин Нью-Йорк полициясининг 78-бўлимига кўнгилли тарзда келган. Макгрегор полиция бўлимидан суд биносигача кишанланган ҳолда етказилган.
Жангчига паспортини топширмасликка рухсат берилган, шу сабабли у Ирландияга қайта олади.
5 апрель куни Макгрегор бир неча шериги билан UFC 223 мусобақасида иштирок этиши керак бўлган жангчилар автобусига ҳужум қилган. Автобусда енгил вазн тоифасида чемпионлик камарига даъвогар россиялик Хабиб Нурмагомедов ҳам бўлган. Ҳужум оқибатида бир неча жангчиларга жароҳат етган.
“Нью-Йорк пост” нашрининг маълум қилишича, Макгрегорнинг “қуюшқондан чиқишига” UFC раҳбариятининг уни чемпион унвонидан маҳрум қилиш қарори сабаб бўлган. Унга безорилик ва ўзганинг мулкига зиён етказиш айбловлари қўйилган.
Мавзуга оид
10:59 / 24.01.2021
UFC 257. Марказий жангда Порье Макгрегорни нокаутга учратиб, реванш олди
19:10 / 29.11.2019
Макгрегор қайтмоқда: у UFC афсонасига қарши жанг ўтказади
14:14 / 26.10.2019
Москвада Конор Макгрегорга бутилка улоқтирилди. Доғистонлик блогер бунинг сабабини айтди
21:40 / 10.09.2019