Нурмагомедовга янги рақиб топилди

Америкалик аралаш услуб жангчиси Эл Яквинта Нью-Йоркда 7 апрелда ўтадиган UFC 223 мусобақасининг чемпионлик камари учун жангида россиялик Хабиб Нурмагомедовнинг рақиби бўлади. Бу ҳақда Мутлақ жангчилик чемпионати (UFC) расмий сайтида маълум қилинди.    

Маълум қилинишича, Нурмагомедов–Яквинта жанги учун шартнома имзоланган. “Бу 5 раундлик жанг бўлади. Ушбу жанг кечанинг асосий жанги бўлади”, деб ёзган журналист Ариэль Хелвани.

Бироқ чемпион унвонини фақат Нурмагомедов олиши мумкин. Гап шундаки, Яквинта жанг ўтадиган енгил вазн тоифаси учун зарур вазнга эриша олмаган. “Агар Яквинта ғолиб бўлса, у унвон эгаси бўла олмайди, Нурмагомедов ютса у чемпион деб эълон қилинади”, деб айтилган UFC баёнотида.

6 апрелда UFC’нинг ўрта енгил вазн тоифасидаги чемпиони, америкалик Макс Холлоуэй тиббий кўрсатмаларга кўра Нурмагомедовга қарши жанг ўтказа олмаслиги маълум бўлганди, чунки у зарурий вазнга эриша олмаган. Шундан кейин россияликка америкалик Энтони Петтис рақиб деб эълон қилинган, бироқ у ҳам белгиланган вазндан оғирроқ чиққан.