«Поветкин қизиқ эмас, Уайлдер керак». Жошуа жорий йилдаги режаларини айтди

Фото: Reuters

Бокс бўйича уч нуфузли йўналишдаги жаҳон чемпиони британиялик Энтони Жошуа россиялик Александр Поветкин билан 2018 йилда жанг ўтказишдан манфаатдор эмаслиги билдирди.

«Мени Поветкин қизиқтирмайди, менга Бутунжаҳон бокс кенгаши (WBC) йўналиши бўйича жаҳон чемпиони Деонтей Уайлдер билан жанг қизиқ. Мен барча камарларни сақлаб қолмоқчиман.

Умид қиламанки, Поветкин билан жанг 2019 йилга кўчирилиши мумкин», - дея Жошуанинг сўзларини келтиради Sky Sports.

Эслатиб ўтамиз, 1 апрель куни Жошуа янги зеландиялик Жозеф Паркерни очколар бўйича мағлубиятга учратди ва учта совринни бирлаштирди: Бутунжаҳон бокс ассоциацияси (WBA), Халқаро бокс федерацияси (IBF) ва Бутунжаҳон бокс ташкилоти (WBO). WBC камари эса америкалик Уайлдерга тегишли бўлиб турибди.