Фото: DPA
Дунёдаги энг йирик автомобилсозлик компанияларидан бири Volkswagen’нинг бошқарув раиси Маттиас Мюллер ўз лавозимини тарк этмоқда. Бу ҳақда компаниядаги манбаларга иқтибос келтирган ҳолда Handelsblatt нашри хабар берди. Маълумотларга кўра, унинг лавозимини компаниянинг топ-менежерларидан бири, 2016 йилда “дизелгейт” жиноий иши бўйича ўтган Херберт Дисс эгаллайди.
“Дизелгейт” деб ном олган можаро ортида 2015 йил сентябрда компаниянинг бошқарув раиси Мартин Винтеркорн истеъфога кетганди. Айнан унинг ўрнини Маттиас Мюллер эгаллаганди.
Кейинроқ “дизелгейт” Volkswagen’га 25 млрд долларга тушгани ҳисоблаб чиқилган.
