Фото: Twitter/@FCBayern
Хорватиялик мутахассис Нико Ковач кейинги мавсумдан бошлаб, «Бавария» клуби бош мураббийи бўлади.
Мюнхенликлар спорт директори Ҳасан Салиҳамижич баёнотига кўра, шартнома 2018 йил 1 июлдан бошлаб кучга киради. «Бавария» 46 ёшли мураббий билан 3 йиллик шартнома имзолаган.
Нико Ковачнинг мураббийлар штабига унинг укаси Роберт Ковач ҳам киради.
Эслатиб ўтамиз, айни пайтда Нико Ковач Франкфуртнинг «Айнтрахт» клубини бошқармоқда. Жамоа Бундеслигада 5-ўринни эгаллаб турибди.
