![](https://storage.kun.uz/source/3/AuAedEAQ-sqF-ljNcYP5dj4ad9e8Mlz9.jpg)
Чемпионлар Лигаси чоракфиналининг жавоб ўйинларидан сўнг, «Ливерпуль» ҳужумчиси Садьо Мане ҳафтанинг энг яхши футболчиси деб топилди.
УЕФА сайтида ўтказилган сўровномада сенегаллик тўпурар 51% овоз тўплаб, 1-ўринни қўлга киритди.
Иккинчи ўринни «Барселона» дарвозасига гол урган «Рома» ҳужумчиси Эдин Жеко (31%), 3-ўринни «Реал» дарвозасини 2 марта ишғол қилган «Ювентус» ҳужумчиси Марио Манжукич эгаллади (16%).