«Хўжайин-Ота» фильми кинорежиссёри Витторио Тавиани вафот этди
Итальян машҳур кинорежиссёри ва сценарист Витторио Тавиани 89 ёшда Римда вафот этди. Бу ҳақда марҳумнинг яқин қариндошлари маҳаллий ОАВ вакилларига маълум қилган.
Витторио жаҳон киноси дурдоналари қаторига кирган асарларни ўзининг кичкина укаси Паоло билан суратга туширган. Ака-укалар 1952 йили илк ижодини - «Рақиблик» картинасини тасвирга олиш билан бошлаган бўлса, фаолияти давомида Валентино Орсини билан ҳамкорликда қисқа метражли фильмлар тайёрлаган.
Тавианилар фильмлари бир неча марта нуфузли кино мукофотларни қўлга киритган: «Хўжайин-Ота» фильми (1977) Канн кинофестивалида «Олтин пальма новдаси» билан тақдирланган. Шунингдек, 2012 йили экран юзини кўрган «Цезар ўлиши лозим» киноси Берлинда «Оқ айиқ» мукофотини олган. Ака-укалар 1990 йили Лев Толстойнинг «Сергий Ота» асари асосида ажойиб кинокартинани ҳам томошабинларга ҳавола этганди.
Эслатиб ўтамиз, ўтаётган ҳафтада америкалик кинорежиссёр, икки карра «Оскар» лауреати Милош Форман вафот этгани ҳақида хабар берилганди.
Мавзуга оид
17:15 / 12.11.2020
«Article»: Турк сериаллари ҳақида сиз билмаган фактлар
18:28 / 21.09.2020
Хорижий кинокомпаниялар Ўзбекистон ҳудудида қилган харажатларнинг бир қисми қайтариб берилади
22:41 / 25.08.2020
«Татаристон киноси кунлари»да «Сумбул» фильмининг тақдимоти бўлиб ўтди
15:50 / 01.04.2020