Абрамович Британия санкцияларига учраши мумкин

Лондоннинг «Челси» футбол клуби эгаси, россиялик тадбиркор Роман Абрамович Британия ҳукуматининг санкциялар рўйхатига киритилиши мумкин. 

The Times’нинг бош вазир Тереза Мэйга яқин бўлган манбалардан бирига асосан хабар беришича, Абрамович ва россиялик бошқа тадбиркорларга қарши махсус чоралар ишлаб чиқилмоқда.

2018 йилнинг январида Британия ҳукумати кўчмас мулк ва активларнинг хорижий эгалари капитали қаердан келиб чиққани тўғрисидаги маълумотдан фойдаланиш ҳуқуқини қўлга киритди. Агарда, россиялик тадбиркорлар капитал қаердан келганини ошкор этишмаса, унда уларнинг мулки хатловга олиниши мумкин.

Абрамович 2009 йилдан бери «Челси»га эгалик қилади.

Эслатиб ўтамиз, аввалроқ россиялик тадбиркорлар Роман Абрамович ва Алишер Усмонов Англиянинг мос равишда «Челси» ҳамда «Арсенал» клуби акцияларидан маҳрум этилиши мумкин экани хабар қилинганди.