Ҳиндистонда номусга текканлик учун жазо кескин кучайтирилди

Ҳиндистон ҳукумати 12 ёшдан кичик бўлган қизларни гуруҳ бўлиб зўрлаш учун ўлим жазоси жорий этилиши тўғрисидаги фармонни имзолади. Бу ҳақда Economic Times газетаси хабар бермоқда.

Фармон болаларни жинсий зўравонликдан ҳимоя қилиш тўғрисидаги қонунга (POCSO) қўшимчадир.

Шунингдек, номусга текканлик учун жазонинг минимал муддатлари узайтирилди – 7 йилдан 10 йилгача қамоқ. 16 ёшгача бўлган вояга етмаганларнинг номусига текканлик учун жазо минимал муддати 10 йилдан 20 йилгача қамоқ билан алмаштирилди.