Янгийўлда йўл қоидасига риоя қилмаслик фожиага сабаб бўлди

Тошкент вилоятининг Янгийўл туманида ўлим билан якун топган йўл-транспорт ҳодисаси юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Маълум бўлишича, 22 апрель куни соат 00.15ларда, Жиззах шаҳар Қалия маҳалласи Т.Астанакулов кўчасида яшовчи, 1986 й.т. С.Ж. ўзининг “Нексия” русумли автомашинасини “Тошкент-Термиз” М-39 йўлининг 821-км.да ҳайдаб кетаётиб йўл ўртасида турган пиёда А.М.ни уриб юборган. 

Натижада А.М. турли тан жароҳатлари олиб, РШТЁИМга ётқизилган ва кўрсатилган тиббий муолажаларга қарамай шу куни вафот этган.