81 яшар Элмурод бобо велосипедда саёҳатга чиқди: мақсад Қирғизистонни айланиш (видео)

Ҳаётлар турфа хил. Ҳаётлар жуда ранг-баранг. Яъни инсон ҳаёти... Блогер Санжар Саид томонидан тақдим этилган навбатдаги видеода бунинг гувоҳи бўлиш мумкин.

Сурхондарёлик 81 ёшли Элмурод бобо Чориев Қирғизистонга велосипедда йўл олибди. Бобо Тошкентга 8 кунда етиб келибди. Бу ҳақда отахоннинг ўзи шундай дейди:

- Биз ўқиган даврда ўрта мактабларнинг масофаси жуда узоқ бўларди. Биз ўша ерларга бориб қатнар эдик. Ёшлигимдан велосипедга қизиқаман. Мана, бугун узоқ саёҳатга йўл олдим. Йўлма йўл овқатланиш учун тўхтаган чойхоналаримда, пул олмаганлари ҳам бўлди. Мўлжалим Қирғизистонгача бориш. 1958 йили Ўш шаҳрида бўлганман. Ҳозир ҳам шу ерларни айланишни мақсад қилганман.