Лицей ўқувчи-ёшлари ўртасида “Энг яхши инновацион ғоя” кўрик-танлови ўтказилди

Тошкент шаҳридаги Турин политехника университети ҳузуридаги академик лицейда академик лицей ўқувчи-ёшлари ўртасида “Энг яхши инновацион ғоя” кўрик-танлови ўтказилди. 

Ушбу тадбирда юқори мартабали меҳмон сифатида Корея Республикасининг Ўзбекистондаги элчихонаси ҳузуридаги KOICA Кореянинг халқаро алоқалар агентлиги вакиллари иштирок этишди. 

Ушбу танловда академик лицейнинг барча босқич ўқувчилари томонидан яратилган ихтиро ва инновацион ғояларнинг баҳоланиши Турин университетининг малакали профессор-ўқитувчилари томонидан амалга оширилди.

Танловда фахрий ўринни эгаллаган ўқувчилар муносиб тақдирланишди.