Нурмагомедов ва Макгрегор жанги ўтадиган жой маълум қилинди

Мутлақ жангчилик чемпионати президенти Дана Уайт россиялик ва ирландиялик жангчилар Хабиб Нурмагомедов ва Конор Макгрегор ўртасидаги жанг фақатгина АҚШда бўлиб ўтиши мумкинлигини айтди.

“Агар бундай катта жанг уюштирсангиз, унда буни Лас-Вегасда амалга ошириш керак. Хабиб қачондир Россияда жанг ўтказиши мумкиндир, бироқ бу вазиятда эмас. Бу жуда катта жанг ва у Лас-Вегасда ўтиши лозим”, деб айтган Уайт.

Макгрегор UFC’нинг энг машҳур жангчиларидан бири ҳисобланади. Ирландиялик 24 та жанг ўтказиб, 21 тасида ғалаба қозонган ва 3 тасида мағлубиятга учраган. У UFC’даги илк чемпионлигини 2015 йилда қўлга киритган.

Нурмагомедов 2018 йил апрели бошида америкалик Эл Яквинта билан жангда қўли баланд келиб, UFC чемпионлик камарини қўлга киритди. Россияликнинг ҳисобида ММА’да 26 та ғалаба ва бирорта мағлубият йўқ.