Тошкентда жиддий ЙТҲ: 5 нафар шахс жабрланди ва 5та автомашина шикастланди

Иллюстратив фото/slovo.odessa.ua

Тошкент шаҳрининг Юнусобод туманида жиддий йўл-транспорт ҳодисаси рўй берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Қайд этилишича, 30 апрель куни соат 15.15ларда, Исломобод кўчасида яшовчи Э.Ш. ўзининг “Ласетти” русумли автомашинасини Ш.Рашидов кўчасида катта тезликда ҳайдаб кетаётиб, шу йўналишда светофорнинг қизил чироғида тўхтаб турган “Матиз” русумли автомашинага урилиши натижасида қатор турган яна тўртта машиналар бир-бирларига урилиб техник шикастланган.

Ушбу йўл-транспорт ҳодисаси натижасида 5 нафар шахсга касалхонада тиббий ёрдам кўрсатилган.