Ўзбекистон Республикаси Давлат геология ва минерал ресурслар қўмитаси ҳамда Туркия Энергия ва табиий ресурслар вазирлиги истиқболли олтин конларини ўрганиш бўйича битим имзолади. Бу ҳақда Давлат геология қўмитаси ахборот хизмати хабар берган.
Умумий қиймати 5 млн доллар бўлган лойиҳа 3 йилга мўлжалланган. Биргаликда геологик тадқиқотлар Хуроб, Айдим-Жеттимтау ва Саритау конларида ўтказилади.
Барча учта истиқболли кон геологик ўрганиш ишлари учун хорижий инвестициялар жалб этилаётган фойдали қазилмаларнинг стратегик муҳим турлари рўйхатига киритилган.
Биринчи иккита олтин кони Жиззах ва Навоий вилоятларида жойлашган. Уларнинг заҳиралари ҳисоблаб чиқилмаган. Саритау конида вольфрам прогноз кўрсаткичлари 740 минг тоннага, молибден – 24 минг тонна, олтин – 75,2 тоннага баҳоланмоқда.
