Фото Getty Images
«Рома» ва «Ливерпуль» ўртасидаги ярим финал Чемпионлар лигаси тарихида энг сермаҳсул бўлди. Икки учрашув якунига кўра 13та гол урилди.
Биринчи ўйин Ливерпулда 24 апрель куни бўлиб ўтди ҳамда мезбонларнинг 5:2 ҳисобидаги ғалабаси билан тугади. «Ливерпуль» таркибида Садио Мане, икки маротабадан Муҳаммад Салоҳ ва Роберто Фирмино гол урди. Меҳмонлардан эса Эдин Джеко ва Диего Перотти ўз номини таблога ёздириб қўйди.
2 май куни бўлиб ўтган иккинчи ўйинда «Рома» 4:2 ҳисобида устун келди. Италия жамоа таркибида Эдин Джеко, икки марта Ража Найнгголан гол урди, Жеймс Милнер эса автогол қайд этди. «Ливерпуль»да Садио Мане ҳамда Жоржиньо Вейналдум гол киритди.
