Литва президенти Путиннинг инаугурация маросимига таклиф этилмади

Литва президенти Даля Грибаускайте ва мамлакатнинг Москвадаги элчиси Ремигиюс Мотузас Россия президенти Владимир Путиннинг 7 майга режалаштирилган инаугурацияси маросимига таклиф этилмади. Бу ҳақда lžinios нашри хабар бермоқда.

Портал Литва президенти маъмуриятининг матбуот хизматига таянган. У ердан хабар беришларича, айни дамга келиб маросимга таклифнома юборилмаган.

«Литва ТИВнинг аниқлик киритишича, жума куни якунига қадар мамлакатимизнинг Москвадаги элчихонасига ҳам таклифнома келмаган», - дея ёзади портал.

Вазирликдан таъкидлашларича, маросимда иштирок этиш тўғрисидаги қарорни таклифнома олинганидан сўнг қабул қилишади.