Зидан «Барселона» учун нега чемпионлик йўлаги қилинмаслигини тушунтирди

«Реал» бош мураббийи Зинедин Зидан Ла Лига навбатдаги туридан ўрин олган «Барселона»га қарши ўйиндан олдин, каталонияликлар учун чемпионлик йўлаги ташкил қилинмаслигини айтди.

«Буни мен ҳал қилмайман. Аммо, клублар ўртасидаги жаҳон чемпионатидан сўнг, тушунишимча, чемпионлик йўлаги масаласи «Барселона»ни унчалик безовта қилмаган эди.

Кимдир уларнинг бу мусобақада иштирок этмаганини баҳона қилди, бироқ, бу ёлғон. Клублар ўртасидаги жаҳон чемпионатига чиқиш учун Чемпионлар Лигасида ғалаба қозониш керак, биз ҳаммамиз бу турнирда иштирок этамиз.

Чемпионлик йўлаги масаласини мен ҳал қилмайман. Аммо, рақиб ҳам бу ишни қилмаган. Ҳурмат сақлаган ҳолда айтаман, биз уни ташкил қилмаймиз, чунки «Барселона» ҳам бу ишни қилмади.

Энг асосийси - биз «Барселона» ютуғини ҳурмат қиламиз, чемпионатдаги ғалаба - энг муҳим ва қийин натижа. Бундай бўлгани мени айбим.

Агар «Барселона» биз учун чемпионлик йўлагини қилганида, биз ҳам уни ташкил қилардик», – деди Зидан.