АҚШ ҲДК иккинчи флоти Россия сувости кемаларига қарши «курашади»

Фото: AP /Ivan Sekretarev

АҚШ эсминеци собиқ қўмондони Брайан Макгратнинг маълум қилишича, Қўшма Штатлар иккинчи флоти Атлантикада Россия сувости кемаларига қарши курашади. Бу ҳақда The Washington Post хабар берган.

Унинг сўзларига кўра, иккинчи флотнинг қайта тикланиши АҚШ «Шимолий Атлантикада ишончлироқ ва кучлироқ ҳаракат қилишини» англатади.

Шунингдек, унинг таъкидлашича, иккинчи флотнинг энг асосий вазифаларидан бири – Россия атом сувости кемаларига қарши курашиш.

Макгартнинг қўшимча қилишича, Россия сувости кемалари НАТО кучларини минтақада иттифоқчиларни қўллаб-қувватлаш учун жойлаштирилишига халақит бериши мумкин.

Эслатиб ўтамиз, аввалроқ АҚШ Туркиянинг Россия билан битимидан ташвишда эканини яна билдирганди.