Кубанинг янги раҳбари БМТ бош котиби билан учрашди

Фото: Juventud Rebelde

Куба давлат кенгаши ва вазирлар кенгаши раҳбари Мигель Диас-Канель 7 май куни Гаванада БМТ бош котиби Антониу Гутерриш билан учрашди.

Juventud Rebelde порталининг маълум қилишича, томонлар суҳбат давомида тинчлик ва халқаро барқарорлик, 2030 йилгача давр учун иқлим ўзгаришлари ва барқарор ривожланиш масалаларини муҳокама қилишган.

Диас-Канель БМТ бош котибига Куба ташкилот низоми тамойилларига ва Лотин Америкаси ва Кариб ҳавзасида тинчликни тарғиб қилишга содиқ қолишга ваъда берган. Кубанинг янги раҳбари суҳбат давомида мамлакатда иқтисодий ва ижтимоий модел янгиланишининг бориши ҳақида сўзлаб берган.

Диас-Канель апрелда Куба давлат кенгаши раҳбари лавозимига тасдиқланганди.