Фото: AP /Manuel Balce Ceneta
Ал-Қудсдаги АҚШ элчихонаси очилишига борадиган делегация таркиби эълон қилинди. Унга кўра, президент Дональд Трамп Ал-Қудсга бормайди. Оқ уй шу мазмунда баёнот берди.
Исроилга йўл оладиган делегацияга АҚШ давлат котиби ўринбосари Жон Салливан бошчилик қиладиган бўлди. 14 май куни Ал-Қудсда АҚШ элчихонаси очилиши кутилмоқда.
"Президент Дональд Трамп бугун 2018 йилнинг 14 май куни Ал-Қудсда очиладиган Қўшма Штатлар элчихонаси очилишида иштирок этиш учун президент делегациясини йўллаш ҳақида эълон қилди. Делегацияга давлат бош котиби ўринбосари Жон Салливан бошчилик қилади", - дейилади ҳужжатда.
Бундан аввал АҚШ давлат раҳбари Исроилдаги дипломатик ваколатхона очилишига ўзи ҳам бориши мумкинлигини истисно қилмаганди.
