Фоторепортаж: Андижон вилоятида Хотира ва қадрлаш куни оммавий сайиллар билан ўтди

Андижон вилоятининг барча туман ва шаҳарларида 9 май – Хотира ва қадрлаш куни ўзгача руҳда нишонланди. Байрам арафасида ҳудудларда сана муносабати билан тадбирлар ўтказилиб, Иккинчи жаҳон уруши қатнашчилари, меҳнат фахрийлари, ижтимоий ҳимояга муҳтож кишилар ҳолидан хабар олинди.

9 май куни вилоят марказида асосий тадбир ўтказилди. Эрта тонгда вилоят ҳокимлиги, ҳарбий қисмлар вакиллари, ҳуқуқ-тартибот идоралари ходимлари ҳамда кенг жамоатчилик “Мотамсаро она” ҳайкали пойига гулдасталар қўйдилар.

Ҳарбий парад, уруш воқеликлари акс этган саҳна кўринишлари, аскар йигитларнинг чиқишларини 20 мингга яқин кишилар томоша қилди.

Вилоятнинг Олтинкўл туманида сана янги қиёфа касб этган Хотира майдонида нишонланди. Монумент пойига гуллар қўйиш маросимидан сўнг туман бадиий жамоалари йиғилганларга театрлаштирилган концерт дастури намойиш қилиб бердилар.

KUN.UZ мухбири Элмурод Эрматов, Андижон