Бекобод туманида ЙТҲ: 2 киши ҳалок бўлди, 2 шахс тан жароҳати олди

9 май куни соат 06.00ларда Тошкент вилоятининг Бекобод туманида Ж.С бошқарувидаги “Нексия” русумли автомашинасини туман ҳудудидан ўтувчи “Қорасув-Бўка-Бекобод” автомобиль йўлининг 71-км.да ҳайдаб кетаётиб ухлаб қолиши оқибатида йўл четидаги сим ёғочга урилган. 

Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.

Натижада ҳайдовчи Ж.С. ҳамда йўловчи А.А. воқеа жойида вафот этган. Қолган 2 йўловчи тан жароҳат билан касалхонага ётқизилган.