“Афросиёб” тезюрар поездига яна тош отишди, ИИВ баёнот билан чиқди

Самарқанд шаҳрида 15 май куни номаълум шахс “Самарқанд-Зарафшон” темир йўл бекатлари оралиғида “Қарши-Самарқанд-Тошкент” йўналишида қатновчи “Афросиёб” тезюрар поездининг ойналарига тош отган ойналар дарз кетган. 

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, жароҳат олганлар йўқ. 

“Ушбу ножўя хатти-ҳаракатларнинг олдини олиш мақсадида, поезддаги йўловчиларимиз манзилларига соғ-саломат етиб олишлари учун авваламбор, ота-оналарнинг фарзандларга бўлган эътибори, таълим муассасалари, жамоат ташкилотлари ва Самарқанд вилояти МФЙ мутасаддилари томонидан ёшларга бу борада тегишли тарғибот-ташвиқот ишларини олиб боришларини сўраймиз”, - дейилади ИИВ хабарида.