Мельбурн аэропортида самолётга кеч қолган йўловчи уни “штурм билан олмоқчи” бўлди, деб ёзмоқда Daily mail нашри .
Йўловчи рейсга кеч қолганини билгач, сиқилиб чекишга тушиб кетган ва бирдан аэропортнинг чиқиш эшиги орқали парвоз майдонига “отилган”. Воқеа жойидан олинган видеода жанжалкаш йўловчи самолётнинг ёпиқ эшигини очишга уринаётганини кўриш мумкин.
Воқеа гувоҳининг айтишича, йўловчи уни тўхтатмоқчи бўлган ходимлар билан муштлашиб кетган. Бунинг оқибатида 2 киши кичик жароҳат олган.
Кейинроқ эркак ушланиб, олиб кетилган, самолёт эса парвоз қилишдан олдин муҳандислар томонидан кўздан кечириб чиқилган.
