Одам уриб, қочиб кетган ҳайдовчи ушланди – ИИВ

2018 йил 12 май куни Тошкент шаҳрининг Юнусобод туманида номаълум ҳайдовчи аниқланмаган автомашинани А.Темур кўчасида жойлашган “Назира” гўзаллик салони олдида ҳайдаб кетаётиб, Юнусобод туманида яшовчи пиёда Т.У.ни уриб юбориб воқеа жойидан қочиб кетган. 

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, оқибатда жароҳат олган Т.У.га касалхонада тиббий ёрдам кўрсатилган. 

Кўрилган чоралар натижасида ушбу йўл-транспорт ҳодисасини Юнусобод туманида яшовчи Ш.С. ўзининг “Матиз” русумли автомашинасида содир этганлиги аниқланиб ушланган.