Мэй Шотландия ҳақида: мустақиллик бўйича референдум вақти эмас

Фото: Stefan Rousseau/PA

Буюк Британия бош вазири Тереза Мэй Шотландия биринчи вазири Никола Стерженни Шотландия мустақиллиги бўйича такрорий референдум ўтказиш хақидаги илтимосини рад этди. Бу ҳақда Politics home хабар бермоқда.

«Ҳозир жамиятда навбатдаги бўлинишга олиб келиши мумкин бўлган мустақиллик бўйича референдум вақти эмас, ҳамда унга эҳтиёж ҳам йўқ», - дея маълум қилган Мэй.

Мэйга референдумни ўтказишда рад жавоби бериш ҳақида шотландиялик консерваторлар етакчиси Рут Дэвидсон ҳам маслаҳат бергани айтиляпти.

Эслатиб ўтамиз, аввалроқ Британия ҳукумати Россиядан келаётган «ифлос пуллар» бўйича шикоят қилганди.