Чилонзорда 27 минг долларни 220 млн сўмга сотмоқчи бўлган шахслар ушланди

Иллюстратив фото/ KUN.UZ

Бош прокуратура ҳузуридаги Департаментнинг Чилонзор туман бўлими томонидан ўтказилган тезкор тадбирда, фуқаролар Ш., Ғ. ва Ж.лар ўзаро олдиндан тил бириктириб, ҳар бир АҚШ долларини «қора-бозор» нархида 8150 сўмдан ҳисоблаб, 27000 АҚШ долларини ноқонуний даромад орттириш мақсадида 220 млн. сўмга сотаётган вақтида ашёвий далиллар билан ушланганлар.

Бу ҳақда маҳкама матбуот хизмати хабар берди.

Таъкидланишича, мазкур ҳолат юзасидан фуқаролар Ш., Ғ. ва Ж.ларга нисбатан Ўзбекистон Республикаси Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.