Тошкент шаҳар ҳокимлиги Ободонлаштириш бош бошқармасига Азамжон Маҳамаджонович Ризашов янги бошқарувчи этиб тайинланди. Бу ҳақда Тошкент ҳокимлиги матбуот хизмати хабар берган.
Фото: Тошкент ҳокимлиги матбуот хизмати
Азамжон Ризашов бунга қадар Ободонлаштириш бош бошқармасининг Каналларни сақлаш, фойдаланиш, таъмирлашга ихтисослаштирилган бошқармасида бошлиқ ўринбосари лавозимида ишлаган.
У 1967 йили Қирғизистон ҳудудида, Ўш вилоятида туғилган, миллати ўзбек. 1991 йили Тошкент автомобиль йўллар институтини тамомлаган.
2002-2006 йилларда Ободонлаштириш бош бошқармаси бошқарувчиси ўринбосари, 2006-2012 йилларда Ободонлаштириш бош бошқармаси бошқарувчиси, 2012-2014 йилларда «Махсустранс» корхонаси бош муҳандиси лавозимларида ишлаган.
