Жанубий Корея президенти Трамп ва Ким Чен Инни музокаралар ўтказишга чақирди

Фото: AP/Koji Sasahara

Жанубий Корея президенти Мун Чжэ Ин АҚШ президенти Дональд Трамп ва Шимолий Корея етакчиси Ким Чен Инни бевосита музокаралар ўтказишга чақирди. Бу ҳақда “Рёнхап” ахборот агентлиги маълум қилди.

Таъкидланишича, Мун Чжэ Ин Трамп ва Ким Чен Иннинг учрашуви бекор қилинганидан афсус билдирган.

“Корея яриморолининг ядровий қуролсизлантирилиши ва тинчлик ўрнатиш воз кечиб бўлмайдиган ва четга суриб қўйиб бўлмайдиган вазифадир”, деб қўшимча қилган Жанубий Корея президенти.