Бувисини тунаган набира қиз ушланди - ИИВ

28 май куни Бухоро вилоятининг Ромитан туманида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, номаълум шахс “Атторон” МФЙда яшовчи М.Ғ. исмли аёлнинг уйига дераза орқали кириб, меҳмонхонасидан 100 000 сўм пули, 250 АҚШ доллари ва 500 Россия рублини ўғирлаб кетган. 

Кўрилган чоралар натижасида ушбу жиноятни М.Ғ.нинг бирга яшовчи набираси, коллеж ўқувчиси Г.Ж. содир этганлиги аниқланиб ушланган.