Видео: Яраланган аскарни дронда эвакуация қилиш синовдан ўтказилди

Исроилнинг Urban Aeronautics компанияси вертикал учувчи ҳамда экипаж иштирокисиз одамларни таший олувчи Cormorant дронини муваффақиятли синовдан ўтказди.

Дрон 180 км/соат тезлик билан уча олади ва ҳавода 5 соатгача бўла олади ҳамда ўз бортига 635 кггача юк кўтаришга қодир. Дрон 2021 йилда оммавий тарзда ишлаб чиқарилмоқчи.

Дрон ичида камералар бўлиб, у ёрдамида шифокорлар бортда бўлган яраланганлар билан гаплаша олишади. Дроннинг ички тизимлари яраланганларнинг асосий тиббий кўрсаткичларини кузата олади. Одамлар иштироки яраланганларни дронга юклашдагина талаб этилади.