КХДРга ортиқ босим қилинмайди, лекин санкциялар ҳозирча ўзгаришсиз қолади – Дональд Трамп

1 июнь куни АҚШ президенти Дональд Трамп Оқ уйда КХДР Меҳнат партияси марказий қўмитаси раисининг ўринбосари Ким Ёнг Чолни қабул қилиб, музокаралар ўтказган.

Трамп КХДРдан ташриф буюрган делегацияси томонидан жума куни унга тақдим этилган Ким Чен Иннинг мактубини «жуда қизиқ» деб атаган.

«Бу жуда қизиқ хат экан», деган АҚШ етакчиси Дональд Трамп КХДР Меҳнат партияси марказий қўмитаси раисининг ўринбосари Ким Ёнг Чол билан Оқ уйдаги учрашувидан сўнг журналистларга. Бироқ Трамп хатнинг мазмуни билан ўртоқлашмаган.

«Мен ҳали уни очиб кўрмадим. Мен ундан (КХДР эмиссаридан — таҳ) «уни ҳозир очиб кўришимни истайсизми?» деб сўрадим. У: «хатни кейинроқ ҳам ўқисангиз бўлади», — деди, деган АҚШ президенти.

Учрашув асносида жуда кўп масалалар, жумладан КХДРга нисбатан жорий этилган санкциялар ҳам муҳокама этилган.

«Бу жуда қизиқ учрашув бўлди. Аввало, менга шунчаки хатни топшириш маросими бўлиши керак бўлган тадбир Шимолий Кореядаги иккинчи шахс билан икки соатлик суҳбатга айланиб кетди. Биз ҳамма нарса ҳақида, жумладан санкциялар ҳақида ҳам гаплашдик», — деган Трамп музокаралардан сўнг журналистларга.

АҚШ президенти КХДРга нисбатан «максимал босим» иборасини ортиқ ишлатишни истамаётганини билдириб ўтган.

«Мен «максимал босим» иборасини бошқа ишлатишни истамайман, чунки бизга бирга ишлаб кетамиз. Муносабатларимизни кўриб турибсиз», — деган АҚШ Дональд Трамп КХДР Меҳнат партияси марказий қўмитаси раисининг ўринбосари Ким Ёнг Чол билан Оқ уйдаги учрашувидан сўнг журналистларга.

Санкциялар ҳақидаги саволларга жавоб берар экан, Трамп ҳозирча ҳаммаси аввалгидек қолаверишини айтиб ўтган.

Дональд Трамп КХДР Меҳнат партияси марказий қўмитаси раисининг ўринбосари Ким Ёнг Чол билан Корея урушига якун ясалганини муҳокама қилганини ҳам айтди.

«Биз уруш тугагани ҳақида суҳбатлашдик. Бу энг узоқ давом этган уруш, унга 70 йил бўлаяпти. Тасаввур қила оласизми, биз Корея уруши тугагани ҳақида суҳбатлашдик», — деган Трамп журналистларга.

Трамп тинчлик шартномасига оид келишувларни унинг Шимолий Корея етакчиси Ким Чен Ин билан учрашуви натижаси ўлароқ қабул қилиш мумкинлигини инкор этмади.

Трамп Сингапурда 12 июнь куни бўлиб ўтадиган Ким Чен Ин билан учрашувда ҳеч қандай ҳужжат остига имзо чекмаслигини алоҳида таъкидлади.

«Биз 12 июнь куни бирор нарсани имзоламоқчи эмасмиз, биз бунга ҳеч қачон тайёргарлик кўрганимиз йўқ. Биз жараённи ишга туширамиз», — деди у журналистларга.

Трампнинг Ким Ёнг Чол билан учрашуви 1,5 соат давом этган. Трамп шахсан АҚШ давлат котиби Майк Помпео билан ўзи КХДР эмиссарини автомобилигача кузатиб қўйган.

«Русларнинг Ким Чен Ин билан учрашуви менга ёқмади. Мен бу учрашувдан мақсад нима, дедим? Лекин бу ижобий учрашув ҳам бўлиши мумкин-ку. Агар бу ижобий учрашув бўлса, у менга ёқади… у ижобий бўлиши ҳам мумкин», — деган АҚШ президенти Дональд Трамп КХДР Меҳнат партияси марказий қўмитаси раисининг ўринбосари Ким Ёнг Чол билан Оқ уйдаги учрашувидан сўнг журналистларга.

Пайшанба куни Россия ташқи ишлар вазири Сергей Лавровнинг КХДРга сафари бўлиб ўтган эди. Пёнгянгда Лавров шимолий кореялик ҳамкасби Ли Ёнг Ҳо билан учрашибгина қолмасдан, КХДР етакчиси Ким Жонг Ин билан ҳам учрашган эди. Музокаралар мавзуси Корея яримороли атрофидаги вазият бўлган эди.