Иордания бош вазири истеъфога чиқди

Фото: Flickr

Иордания бош вазири Хани ал-Мулкий қирол Абдуллоҳ II билан учрашгандан кейин истеъфога чиқди. Бу ҳақда “Ал-Жазира” телеканали хабар бермоқда.

Бош вазир нархлар ошиши ва даромад солиғи ислоҳотларига қарши норозилик намойишлари юз бераётгани билан боғлиқ истеъфога чиққан. Намойишчилар солиқ ислоҳоти қиролликнинг ночор аҳолиси ва ўрта синфига салбий таъсир қилади, деб ҳисобламоқдалар.

Телеканал манбаларининг маълум қилишича, бош вазир истеъфоси норозилик намойишларига барҳам бериш мақсадида қабул қилинган.