Путин сиёсатчи бўлмаганда ким бўлиб ишлаши мумкинлигини айтди

Россия президенти Владимир Путин агар сиёсатчи бўлмаганда, адвокат бўлиб ишлай олиши мумкинлигини айтди. Путин бу ҳақда Хитойга ташрифи арафасида берган интервьюсида айтиб ўтган. Интервью Хитой медиакорпорацияси сайтида эълон қилинган.  

“Мен Петербург давлат университетининг ҳуқуқшунослик факультетини тамомлаганман, шу сабабли, умуман олганда, ҳуқуқшунос, адвокат бўлиб ишлай олардим”, деб айтган Путин.

Шу билан бирга Путин бошқа бирор касбга эгалиги ҳақидаги саволга собиқ иттифоқ ташқи разведкасида ишлагани ва касби борлигини қўшимча қилган. У, шунингдек, хавфсизлик идоралари ва Санкт-Петербург маъмуриятида ишлаганини айтган. “Бу фаолиятларимдан ҳар бири менга ёқарди”, деб тан олган Путин.

Путин, шунингдек кунига 2-2,5 соат спорт билан шуғулланишини маълум қилган. У футболчилардан кимни буюклар деб ҳисоблаши ҳақидаги саволга Льев Яшин, Пеле ва Марадона номларини айтган.