Россияда мигрантлар нотурар жойларга ҳам рўйхатга қўйилиши мумкин 

Россия давлат думаси чет эл фуқаролари ва фуқаролиги бўлмаган шахсларнинг миграцион рўйхатдан ўтишига аниқлик киритувчи қонунни учинчи, сўнгги ўқишда қабул қилди. Лойиҳа Россия Конституцион суди қарорини ижро этиш учун ҳукумат томонидан ишлаб чиқилган ва норматив ҳуқуқий бошқарувдаги камчиликларни бартараф этишга йўлланган, дея хабар беради "Коммерсант".
 
Ҳукумат ташаббусида "чет эл фуқароси ташриф буюрадиган жой" ва "қабул қилувчи томон" каби тушунчаларга аниқлик киритилмоқда.
 
Чет эл фуқароси яшаётган нотурар жой "ташриф буюриладиган жой ёки бошқа иншоот" ҳисобланади. Шунингдек чет эл фуқароси рўйхатдан ўтувчи ташкилот ҳам ташриф буюриладиган жой бўлиши мумкин. 
 
Чет эл фуқароси ташриф буюриладиган жойга келгач рўйхатдан ўтиши керак бўлади. Шу билан бирга, чет эл фуқароси ўзи ишлайдиган ёки қонунчилик томонидан тақиқланган бошқа фаолиятни олиб бораётган ташкилот манзили бўйича ҳам рўйхатдан ўтиши керак бўлади. 
 
Ҳозир ҳукуматда шунингдек РФ Маъмурий қоидабузарликлар тўғрисидаги кодексга тузатишлар ишлаб чиқилмоқда. Уларга кўра, меҳнат мигранти ўзининг Россияга қонуний келганини тасдиқлаш учун нафақат ишга рухсатнома ёки патентни, балки иш берувчи билан "меҳнат шартномаси"ни ҳам кўрсатиши керак бўлади.
 
Шартнома тақдим этилмаса, мамлакатдан чиқариб юбориш эҳтимоли билан 5 минг рублгача жарима киритиш таклиф этилмоқда.