Сингапурда Трамп ва Ким Чен Ин учрашуви арафасида хавфсизлик чоралари кучайтирилди

Сингапур ҳукумати АҚШ президенти Дональд Трамп ва Шимолий Корея етакчиси Ким Чен Иннинг ташрифи вақтида хавфсизликни таъминлашга қаратилган қўшимча чораларни кўрди. Бу ҳақда “Рёнхап” ахборот агентлиги хабар бермоқда.   

Маълум қилинишича, саммит учун катта аҳамиятга эга ҳудудлар полициянинг алоҳида назоратига олинган. 

Жумладан, гап саммит ўтадиган Сентоса оролидаги “Капелла” ҳамда Трамп ва Ким Чен тўхтайдиган “Шангри-Ла” ва “Сент-Режис” меҳмонхоналари ҳақида кетмоқда.

Бу ҳудудларга қўшимча полиция кучлари жалб қилинган, тўсиқлар ўрнатилган ҳамда текширувлар ўтказилмоқда. Маҳаллий полиция саммит сабабли транспорт қатновидаги бузилишларга сабр ва тушуниш билан қарашга чақирган.

Бундан аввалроқ Сингапур ташқи ишлар вазири Вивиан Балакришна мамлакати саммит ўтказилишига тўлиқ тайёрлигини маълум қилганди.