Японияда Сакурадзима вулқони отила бошлади

Япониянинг Кюсю оролидаги Сакурадзима вулқони 4,7 км баландликка кул ва тутун устунини отди.

Метеорологлар маҳаллий вақт билан соат 07.20да “портлаш характеридаги” отилишни қайд қилишган. Шунингдек, вулқон кратеридан 800-1000 метр масофагача йирик тошлар отилгани қайд қилинган. Мутахассислар вулқон ортидан кузатув олиб боришмоқда. 

Вулқон отилиши сабабли ҳудудда мумкин бўлган 5 даражадан 3-хавфлилик даражаси амал қилмоқда. Бу эса тоғга яқинлашиш ва унга кўтарилиш ман этилганини англатади. Мутахассислар тош ва лавалар отилиши мумкинлиги сабабли вулқондан 2 км масофагача ҳудудда эҳтиёткорлик намоён этишга чақиришган.

Сакурадзима вулқони баландлиги денгиз сатҳидан 1117 метргачани ташкил қилади ва унинг ёнбағирларида паразитик кратерлар бор.